VIDEO /Shkencëtari: Antarktida po çahet, përgatituni për fundin e botës

Shkëmbi i akullt Larsen C do të mbetet pa më shumë se 5 mijë kilometra katrorë, nëse e çara vazhdon të “zgjerohet”, thonë shkencëtarët në Universitetin e Swansea.

Një ajsberg i madh, apo më mirë thënë një nga më të mëdhenjtë me madhësi sa shteti amerikan Delaware, Ishujt Karaibe apo Trinidad dhe Tobago, do të shkëputet nga Antarktida, kanë bërë të ditur shkencëtarët.

E çara në shkëmbin e akullt Larsen C, që gjatë viteve të fundit është zgjeruar dalë ngadalë, raportohet se gjatë muajit të kaluar është rritur në mënyrë dramatike në 18 kilometra.

Tani ajo është e gjatë mbi 80 kilometra, dhe që ky ajsberg të ndahet plotësisht kanë mbetur vetëm 20 kilometra largësi, paralajmërojnë ekspertët.

Ky ajsberg do të “ndryshojë rrënjësisht pamjen e Antarktikut”, kurse pas kësaj do të mund të vinte deri tek qarja e mëtejshme e Larsen C.

Shkëmbinjtë e akullt janë zona në skaje të një ajsbergu, notojnë nëpër det dhe kanë trashësi prej qindra metrash.

Shkencëtarët frikësohen se shkëputja e tyre nga kontinenti i ngrirë do të mund të përshpejtonte rrëshqitjen e akullit në drejtim të detit duke marrë parasysh ngrohjen globale, që në fund do të rezultonte me rritjen e nivelit të deteve nëpër botë.

Gjatë viteve të fundit kanë ndodhur disa shkëputje të shkëmbinjve të akullt në pjesën veriore të Antarktidës, duke përfshirë Larsen B, që është zhdukur në vitin 2002.